ऐनामा प्रतिबिम्ब कस्को ठम्याउन गाह्रो भएछ
एक्रत्रित अस्तित्व यस्को शून्यमा बिलीन भएछ !
निस्वार्थ प्रेमभावको पनि आज स्वार्थी लाग्ने भएछ
त्यो न्यानो स्पर्श पनि आज अरु कसैको भएछ !
हेराइ त्यो आफ्नै पनि आज कालो श्राप भएछ
आत्मग्लानीको भुमरीमा चुर्लुम्म डुब्ने भएछ !
एक प्रतिबिम्ब निरन्तरको आश लाग्ने भएछ
खै त जीवन ? अनि केको लागि संघर्ष हुनेछ !
ती पल, अनुभूति मिथ्या हुन् कि? शंका लागेछ
भ्रम मै रहू क्षणिक नै, मुटु धड्किन थालेछ !
संघर्ष मै होमिनु अरे, गजब कुरो भएछ
जीवन एक संघर्ष, संघर्ष नै जीवन भएछ !!
No comments:
Post a Comment